Subscribe Now

Trending News

C/ Kolon 50 Donostia
12 Aug 2020

Nortzuk gara?

Gehitu, Euskal Herriko Lesbiana, Gay, Trans, Bixesual eta Intersexualen elkartea.

Euskal Herriko Lesbiana, Gay, Transexual eta Bisexualen Elkartea ehunka gizon-emakumez osaturik dago. Kide gehienok orientazio homosexuala dugu eta helburu bakarrak elkartzen gaitu: gay, lesbiana, bisexual eta transexualek dituzten eskubideak oso-osorik ontzat hartuak izatea, gure sexuafektibitatea garatu ahal izateko beharrezkoa baitzaigu merezi ditugun duintasunaz eta berdintasunaz gozatzea, hala nola orientazio sexualean edota nortasun transexualean oinarrituriko gizarte- eta lege-bazterketa orori amaiera ematea.

Irabazi-asmorik gabeko elkartea da, burujabea, anitza eta demokratikoa. Legez erregistraturik dago eta bai erakunde publikoekin bat beste GKE batzuekin elkarlanean ari da, goian aipaturiko helburuak lortzea xede duten programak eta jarduerak bultzatzeko. Elkarteak bi finantziazio-iturri ditu: bazkideon kuotak eta dirulaguntza publikoak.

GEHITU-k bestelako ekitaldiak ere antolatzen ditu aldian behin: ibilaldiak eta kirol ekitaldiak oro har, txangoak, asteburuko irteerak, e.a. GEHITU-k, urtean zehar, orijinaltasuna eta dibertsitatea ezaugarri dituzten festak antolatzen ditu. Horrez gain, GEHITU-k bestelako jarduerak ere antolatzen ditu, esaterako: hitzaldiak, ekainaren 28ko gay pride egunari lotutako ekitaldiak, jardunaldi monografikoak, Nazioarteko Zinemaldian “Sebastiane” sariak ematen ditu, e.a. Gure eskubideak defendatzeko garrantzi handikoak diren esparruetan hainbat jarduera eta ekimen bultzatzen ditu GEHITU-k. Bazterketaren aurka ere lan egiten du, batez ere komunikabideetan, erakunde publikoen aurrean eta hezkuntza-arloan.

GEHITU Estatuko Lesbiana, Gay, Trasexual eta Bisexualen Federazioko kidea da, Espainiar Estatuko elkarterik garrantzitsuenekin batera, eta hainbat herrialdetako elkarteekin harreman estuak ditu. Halaber, ILGA (International Lesbian and Gay Association) elkarteko, Euskadiko Gazte Kontseiluko eta ADI-ko (Federación Deportiva Ibérica) kidea da.

Eusko Jaurlaritzak Gehitu onura publikoko elkartea dela deklaratu zuen 2006an (Maiatzaren 2ko 88/2006ko Dekretua), Donostiako Udalak Hiritar Merituaren Domina eman zion 2004an eta Gipuzkoako Foru Aldundiak Giza Eskubideen saria eman zion 2009an. Arlo kulturalean, LesGaiCineMad, Madrileko LGBT Zine Jaialdiak 2017ko edizioan Ohorezko Saria eman die Gehituko ematen dituen Sebastiane Sariei.

Gehigo sakondu nahi baduzu klikatu hemen.

Gure estatutoak … Sakau hemen

2014ko Ekintzen Memoria (gaztelaniaz)

2015eko Ekintzen Memoria (gaztelaniaz)

2016eko Jardueren Memoria (gaztelaniaz)

2017ko Jardueren Memoria (gaztelaniaz)

2018ko Jardueren Memoria (gaztelaniaz)

2019ko Jardueren Memoria (gaztelaniaz)

Barne-araudia 2019ko martxoa

Jardunbide egokien eskuliburua

Herri-Onurako Elkartea (dekretua)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies